रविवार, 5 मई 2013

कुसने में दिले देयां गुदड़ां बखूरदा

कुसने में दिले देयां गुदड़ां बखूरदा

जख्मां ते हर कोई है लूणा बरुरदा।
कुसने मैं दिले देयां गुदड़ां बखूरदा।।

मुकणी नी गल एथू छंदेयां तरलेयां।
बटदा मचूचां सैह थपड़ां भी गूरदा।।

आखीं चैं कदकी उतरी आई बरसात। 
मैं रेहया पिछलेयां ही निंबला झूरदा।।

तडक़े दे लेग्गयो पट्टिया संज पेई गेई।
बीड़ां बनदा कि मैड़ी धरडां जो पूरदा।।

मिल्ला कुथी कदी जे अप्पू ने कल्हा।
अप्पू ते सैह डरी करी सीसे जो घूरदा ।।

और इल्जाम लाहौर के हिस्से में लिखवाया जाता है

सियासत में सरहद को यूँ भी हथियार बनाया जाता है 
चुनावी मौसम में कोई सरबजीत सूली चढाया जाता है 
दिल्ली के खिलाफ साजिशें तो रचता है इस्लामाबाद 
और इल्जाम लाहौर के हिस्से में लिखवाया जाता है

मेरा मेकअप कौड़ा तेल।।

मेरा मेकअप कौड़ा तेल।।

तिन्हां दे नखरे इतर फलेल।
मेरा मेकअप कौड़ा तेल।।

तिन्हां दे फफड़े मनीप्लांट।
मेरियां गल्लां गाजल़बेल ।।

तिन्हां स्खाये उडऩे दे गुर।
जिन्हां दे हत्थें थी गुलेल।।

मुस्कल चलणा वक्ते सोगी।
कदी सबेल, कदी कबेल।।

मिंजो तारे, तिसजो मोती।
खरे मुकददरां रच्चे खेल।।